រឿង ជ្រូកបានជាឈ្មោះឆ្នាំកុរ (ភាគ 1)
ដើមឡើយមានសេចក្តីនិទានថា៖ មានសេដ្ឋីកុដុម្ភិកះ ម្នាក់មានសម្បត្តិទ្រព្យស្តុកស្ភម្ភ ហើយមានកូនតែមួយ។ តែអកុសល កូននោះកើតមកមានខ្លួនប្រាណជាសត្វជ្រូក។ ឪពុកម្តាយអន់ចិត្តពន់ពេក ព្រោះកូនមានភាពជាសត្វ។ កូននោះឆាប់ចេះដើរ ចេះនិយាយភាសាមនុស្ស ឧស្សាហ៌ព្យាយាមមិនមានខ្ជិល ហើយមានប្រាជ្ញាឈ្លាសវៃ។ លុះខ្លួនធំចេះជួយរក្សាការពារទ្រព្យសម្បត្តិ ឪពុកម្តាយប្រើការផ្សេងៗធ្វើបានសព្វគ្រប់។
ចំណែកវត្ថុស្ងាត់កំបាំង ដែលមាននៅក្នុងខ្លួនជ្រូកនេះ ឪពុកម្តាយពុំដឹងសោះ។ តាមពិតជ្រូកនេះ មានធ្នូព្រះខ័នជារបស់ទិព្វនៅក្នុងខ្លួន។ លុះជ្រូកនេះមានវ័យកាន់តែចម្រើនធំឡើងៗ ឪពុកម្តាយកានតែពេញចិត្តអំពីចរិយាដឹងខុសត្រូវ ទាស់តែរូបជាជ្រូកប៉ុណ្ពោះ។ ស្រាប់តែវេលាថ្ងៃមួយជ្រូកនេះនិយាយទៅកាន់មាតាបិតា (ត)
ដកស្រង់ចេញពីសៀវភៅ៖ រឿងនិទានដែលទាក់ទងទៅនឹងដើមកំណើត
Comments
Post a Comment